سورت النساء (رکوع نمبر18 تا21) – ہندکو ترجمہ

سورت النساء نا رکوع نمبر 18
پارہ نمبر 5 نا رکوع نمبر 15

115:- اللہ اُس بندے آں نی بخشنا جیڑا شرک کرے اور اِس توں بغیر جِساں چاہوے بخش چھڑسی اور مشرک گمراہ ہویا اے اور اُس بہوں بڈی گمراہی کیتی اے
116:- او اللہ توں سِوا نی بلانے پر عورتاں اور نی بلانے مگر سرکش شیطان آں
117:- اللہ اُس اُتے لعنت کیتی تے شیطان آکھیا کہ میں تینڑیاں بندیاں بچ ضرور حصہ پاساں اِس نا مقررہ
118:- اور میں اُنہاں ضرور پھیرساں اور اُنہاں سیکھاساں تے او ضرور ڈنگراں (جانوروں) نے کَن (کان) کپسن او بُتاں وسطے اور اللہ نیاں بنڑائیاں شکلاں بدل چھڑسن او اور جیڑا وی اللہ توں بغیر شیطان آں سنگی بنڑاسی او نقصان بچ اے
119:- او اِنہاں وعدے تے امیداں دینا اے اور شیطان اِنہاں صرف دھوکا دینا اے
120:- اے ای لوک نوں جنہاں نا ٹھکانڑاں جہنم اے اور اِس بیچوں نسڑیں نا راہ وی نی او
121:- اے او لوک جیڑے ایمان کِن آئے نوں اور چنگے کم کرنے نوں اسیں جَلتی اُنہاں باغاں بچ پیجساں جنہاں تلے نہراں بگنیاں نوں اور اِس بچ ہمیشہ رہسن او اللہ نا وعدہ سچا اے اور کونڑ اے اللہ کولوں وعدے بچ زیادے سچا
122:- عذاب تے ثواب نہ تُساں نی مرضی تے اے اور نہ ای اہل کتاب نی جیڑا وی کوئی مندا کرسی تے سزا ملسی سو اور آپڑیں وسطے اللہ توں سِوا کوئی سنگی تے مددگار نی پانا
123:- اور جیڑا چنگے کم کرسی مرد ہووے یا عورت اگر مومن ہوئی تے جنت بچ جُلسی اور اُنہاں اُتے تِل برابر ظلم نی ہونا
124:- اور کِس نا دین اِس توں چنگا اے کہ جِس آپڑاں منہ اللہ وسطے نیواں کر کِدا اے او نیک وی اے اور اُس ابراہیم عیہ نے دین نی پیروی وی کیتی اے اور اللہ ابراہیم عیہ آں سنگی بنڑایا اے
125:- اللہ وسطے اے جو کج آسمان تے زمی بچ اے اور اللہ ہر شئے (چیز) آں گھیریا (احاطہ) وے
سورت النساء نا رکوع نمبر 18 مکمل

سورت النساء نا رکوع نمبر 19
پارہ نمبر 5 نا رکوع نمبر 16

126:- آپ صہ کولوں عورتاں نے بارے بچ حکم پچھنے نوں آپ صہ اُنہاں دسو کہ تُساں اِس بارے بچ اجازت دتی اے جو کج قرآن بچ دسیا اے یتیم عورتاں نے بارے بچ جنہاں تُسیں اُنہاں نا مقرر کیتا مہر دینے او اور نی چاہنے او کہ نکاح کرو اور بے بس بچیاں نے بارے بچ اور اے کہ تُسیں یتیماں نے بارے بچ انصاف تے رہو اور جو کُج تُسیں چنگیائیں کرسو تے بے شک اللہ اُس نا پتا اے
127:- اور اگر کوئی عورت ڈرے آپڑیں جنڑیں (خاوند) نی طرفوں بے رغبتی یا زیادتی توں تے اُنہاں دو آں 2 تے غناہ نی کہ صلح کر کِنو نوں آپس بچ اور صلح چنگی اے ، اور طبیعتاں بچ بخیلی ہونی اے اور اگر نیکی کرو اور اگر نیکی کرو اور پرہیزگاری کرو تے بے شک جو تُسیں کرنے او اللہ پتا اے
128:- اور کدے وی نی کر اکنے او اگر تُسیں چاہو کہ عورتاں نے درمیان برابری رکھو تے اِک دار ای نہ جھک جُلو کہ اِکی 1 آں ادھے بچ لمکنا چھوڑ دیو اور اگر تُسیں اصلاح کرنے رہو اور ڈرنڑیں آلے (پرہیزگاری) رہو تے بے شک اللہ بخشڑیں آلہ مہربان اے
129:- اگر دوئے 2 میاں بیوی الگ ہو جُلن او تے اللہ ہر اکی آں بے نیاز کر چھڑنا اے آپڑیں کشادگی نال اور اللہ کشائش آلہ حکمت آلہ اے
130:- اور اللہ واسطے اے جو کج زمی تے آسمان بچ اے اور اَساں تاکید کر چھڑی اے اُنہاں لوکاں جنہاں کتاب دتی اے تُساں تو پہلے اور تُساں وی کہ اللہ کولوں ڈرو اور اگر تُسیں کفر کرسو تے بے شک اللہ وسطے اے جو کج زمی تے آسمان بچ اے اور اللہ بے نیاز اے ساریاں خوبیاں آلہ اے
131:- اور اللہ وسطے اے جو کج زمی تے آسمان بچ اے اور اللہ کارساز اے
132:- اور اگر اللہ چاہوے کے تُساں مِٹا کے رکھ چھڑے (فناکردے) اور دوئیاں (دوسروں) بسا چھڑے تے اللہ اِس اُتے قادر اے
133:- جیڑا کوئی دنیا نا ثواب چاہنا اے تے اللہ کول دنیا تے قیامتی دوآں نا ثواب اے اور اللہ سنڑنے آلہ تے دیکھڑیں آلہ اے
سورت النساء نا رکوع نمبر 19مکمل

سورت النساء نا رکوع نمبر 20
پارہ نمبر 5 نا رکوع نمبر 17

134:- اے ایمان آلیو انصاف تے قیم رہنڑیں آلے ہو جُلو اور اللہ وسطے گواہی دینڑیں آلے اگرچہ خود تُساں نے ماں پیو یا رشتہ داراں نے خلاف ہووے کوئی مالدار ہووے یا محتاج بہرحال اللہ اُنہاں ساریاں کولوں وی زیادے خیرخواہ اے سو تُسیں نفس نی پیروی نہ کرو انصاف کرنڑیں بچ اوراگر گواہی دینیوں تُسیں جیب (زبان) دباسو تے بےشک اللہ اِس نا پتا اے جو کج تُسیں کرنے او
135:- اے ایمان آلیو ایمان آنڑو اللہ تے اُس نے رسول صہ تے اور جیڑی کتاب اِس رسول صہ تے لتھی اے (قرآن) اوراُنہاں اُتے جیڑیاں کتابان پہلے لتھیاں ہویاں نوں اور جیڑا انکار کرنے اللہ نا اُس نیاں فرشتیاں نا اُس نیاں کتاباں نا اُس نیاں رسولاں نا اور قیامتی نا تے او بھٹک گیا اے گمراہی بچ او
136:- بے شک جیڑے لوک ایمان کِن آئے فر کافر ہوئے نوں فر کفر بچ بدنے رہے نوں اللہ اُنہاں کدے نی بخشنا اور نہ اُنہاں سدھی راہ دسنا اے
137:- منافقاں خوشخبری دیو کہ اُنہاں وسطے ڈاڈا عذاب اے
138:- جیڑے لوک مومناں چھوڑ کے کافراں سنگی بنڑانے نوں کے او اُنہاں کول عزت لوڑنے نوں بے شک ساری عزت اللہ ہی وسطے اے
139:- اور تحقیقی اللہ قرآن بچ تُساں اُتے حکم لا ریا وے کہ جدوں تُسیں سنڑو کہ اللہ نیاں آیتاں نا انکار ہونا اے اور اُنہاں نا مذاخ ہونا اے وے تے اُنہاں نال نہ بہو ایتھے تک کہ او کِسے ہور گلاں بچ لگے ہون او یقینناً اِس حالت بچ تُسیں اِنہاں آلی گل ہوسو بے شک اللہ کافراں تے منافقاں اک جائی ( جگہ) جمع کرنڑیں آلہ اے
140:- جیڑے لوک تُساں نا انتظار کرنے نوں ایتھے تک کہ تُساں فتح ملنی اے تے آکھنے نوں کہ اسیں تُساں نال کی اے آں اور اگر کافراں وسطے حصہ ہووے تے آکھنے نوں کہ اسیں تُساں اُتے غالب آئے آں اور تُساں مسلماناں کولوں بچایا ہے سو اللہ قیامتی آلے دیاڑے تُساں نے درمیان فیصلہ کرسی اور ہر گز کافراں مسلماناں اُتے غلبہ نی دینا
سورت النساء نا رکوع نمبر 20 مکمل

سورت النساء رکوع نمبر21

141:- بے شک منافق اللہ واں دھوکا دینے نوں اور اُنہاں دھوکے نا جواب دیسی اور جدوں نماز وسطے کھلنے نوں تے سستی نال کھلنے نوں اور لوکاں دسنے نوں اور اللہ تھوڑا وی یاد نی کرنے او
142:- اِس نے درمیان لمکے نوں نہ اک سیڈ تے نہ دوئی سیڈ اور جِساں اللہ گمراہ کرے تے ہرگز اِس واسطے کوئی راہ نی
143:- اے ایمان آلیو کافراں سنگی نہ بنڑاؤ سوائے مسلماناں نے کیا تُسیں چاہنے او کہ تُسیں آپڑیں اُتے اللہ نا الزام کِنو
144:- بے شک منافق دوزخ نے آخری کھڈے بِچ ہوسن او اور تُسیں کدے وی اُنہاں نا کوئی مددگار نہ دیکھسو
145:- مگر جنہاں لوکاں توبہ کیتی اے اور آپڑیں اصلاح کیتی نے باٹے رہ کے (مضبوطی سے ) اللہ نی رسی آں پکڑیا نے اور آپڑاں دین خالص اللہ وسطے کر کِدا نے تے اے جئے لوک مومناں نال ہوسن او اور اللہ جَلتی مومناں بڈا ثواب دیسی
146:- اگر تُسیں شکر کرو اور ایمان آنڑو تے اللہ تُساں عذاب دے کہ کے کرسی اور اللہ قدردان خوب سیانڑنے آلہ اے
پارہ نمبر 5 مکمل

Leave a Reply

This site uses Akismet to reduce spam. Learn how your comment data is processed.

%d bloggers like this: