سورت الرعد (رکوع نمبر 3 تا 6 ) – ہندکو ترجمہ

سورت الرعد نا رکوع نمبر 3
پارہ نمبر 13 نا رکوع نمبر 9

19:- کیا جیڑا بندہ جانڑنا اے کہ جو کج لتھا اے تُساں تے تُساں نے رب نی طرفوں او حق اے اِس جیا ہو اکنا اے جیڑا اَنا ہووے اِس توں سِوا نی کہ عقل آلے ای سمجھنے نوں
20:- او جیڑے اللہ نا وعدہ پورا کرنے نوں اور قول و قرار نی پَننے او
21:- اور او لوک جیڑے جوڑے رکھنے نوں جِس وسطے اللہ حکم دتا کہ جوڑیا جُلے اور او آپڑیں اللہ توں ڈرنے نوں اور مندے حساب نا خوف کھانے نوں
22:- اور جنہاں لوکاں اللہ نی خوشی وسطے صبر کیتا نماز قیم کیتی اور جو اَساں دِتا اُس بیچوں چھپ کہ یا ظاہر خرچ کیتا اور نیکی نال برائی آں ٹال چھڑنے نوں اور او ای نوں جنہاں وسطے آخرت نا گھر اے
23:- ہمشہ نے باغ نوں اُنہاں بچ جُلسن او اور او جیڑے اُنہاں نے ماؤ پیو دادے تے زنانیاں تے اولادی بیچوں نیک ہوئے اُنہاں تے ہر بوئے توں فرشتے آسن او
24:- تُساں اُتے سلامتی ہووے اِس وسطے کہ تُساں صبر کیتا پس خوب اے آخرت نا گھر
25:- اور جیڑے لوک اللہ نے عہد آں باٹا کرنے توں بعد فر تروڑنے نوں اور او کپنے نوں جس وسطے اللہ حکم دتا اے کہ جوڑنے ناں اور زمی بچ فرساد کرنے نوں اے ای لوک نوں جنہاں تے لعنت ات تے مندا گھر اے
26:- اللہ جِس وسطے چاہنا اے رزق کھلا کرنا اے تے جِس وسطے چاہنا اے تنگ کرنا اے اور او دنیا نی زندگی توں خوش نوں تے دنیا نی زندگی آخرت نے مقابلے بچ متاع حقیر اے
سورت الرعد نا رکوع نمبر 3 مکمل

سورت الرعد نا رکوع نمبر 4
پارہ نمبر 13 نا رکوع نمبر10

27:- اور کافر آکھنے نوں کہ اِس اُتے اللہ نی طرفوں نشانی کیوں نی لتھی آپ صہ آکھو کہ بےشک اللہ گمراہ کرنا اے جِساں چاہنا اے اور آپڑیں دار راہ دَسنا اے اُساں جیڑا اُس دار رجوع کرے
28:- اور جیڑے لوک ایمان کِن آئے اور اُنہاں نے دل اللہ نی یادی نال اطمینان پانے نوں اور یار رکھو کہ دِل صرف اللہ نی یادی نال ای اطمینان پانے نوں
29:- اور جیڑے لوک ایمان کِن آئے تے چنگے کم کیتے نے اُنہاں وسطے خوشحالی اے تے چنگا ٹھکانڑاں اے
30:- اِس طرح اَساں تُساں اُس امت بچ پیجیا اے اِس توں پہلے وی امتاں لنگ گئیاں نوں تُسیں اُنہاں پڑھو او اللہ نے منکر ہوئے آپ صہ آکھو کہ او میرا اللہ اے اُس توں سوا کوئی معبود نی اُس اُتے میں بھروسہ کیتا اے اور اُس دار ای میں رجوع کرنا واں
31:- اور اگر اے جیا قرآن ہونا کہ اِس نال پہاڑ ٹرنے اور زمی پھٹ جُلنی یا مردے گلاں کرنے آں لگ پینے اے فر وی ایمان نی آنڑنے بلکہ اللہ ای وسطے اے سارے کمے نا اختیار تے کہ مومناں اطمینان نی ہویا کہ اگر اللہ چاہنا تے سارے لوکاں ہدیت چا دینا اور کافراں اُنہاں نے کماں نے بدلے ہمیشہ ڈاڈی مصیبت آنی رہسی یا لہسی نیڑے اُنہاں نے گھر کول ایتھے تک کہ اللہ نا وعدہ آ جُلے اور اللہ تے وعدے نے خلاف نی کرنا او
سورت الرعد نا رکوع نمبر 4 مکمل

سورت الرعد نا رکوع نمبر 5
پارہ نمبر 13 نا رکوع نمبر 11

32:- اور البتہ تُساں توں پہلے رسولاں نا مذاخ اُڈایا گیا تے میں کافراں ٹہل دتی فر میں اُنہاں پکڑیا سو مینڑاں بدلہ عذاب نال ایا
33:- پس جیڑا ہر بندے نے اعمال نا نگران اے او بُتاں آلی گل سکنا اے اور اُنہاں بنڑا کِدے اللہ نے شریک آپ صہ آکھو کہ اُنہاں نے نام تولو یا تُسیں اللہ واں دَسنے او جو پوری زمی بچ اُسنے علم بچ نی یا ظاہری گل کرنے او بلکہ جنہاں لوکاں کفر کیتا اُنہاں وسطے اُنہاں نے فریب خوشنما بنڑا دتے گئے اور او راہ ہدیت روک دتے گئے اور جِساں اللہ گمراہ کرے اُساں کوئی ہدیت دینڑیں آلہ نی او
34:- اُنہاں وسطے دنیا نی زندگی بچ عذاب اے اور البتہ آخرت نا عذاب بہوں تکلیف دہ اے اور اُنہاں وسطے کوئی اللہ توں بچاڑیں آلہ نی
35:- اور اُس جنت نی کیفیت جِس نا پرہیزگاراں نال وعدہ اے اُس تھلے نہراں نوں تے اُس نے پھل ہمیشہ اور اُس نی چھاں وی اے پرہیزگاراں وسطے اور کافراں نا انجام جہنم اے
36:- اور جنہاں لوکاں اَساں کتاب دتی اے اور اِس توں خوش ہونے نوں جو تُساں تے لتھا اے کج گروہ کج گلاں نا انکار کرنے نوں آپ صہ آکھو کہ اِس توں سوا نی کہ مَاں (مجھے) حکم دتا گیا اے کہ میں اللہ نی عبادت کراں اور اُس نا شریک نہ کراں میں اُس دار بُلانا واں اور اُس کول مینڑاں ٹھکانڑاں اے
37:- اور اِسے طرح اَساں قرآن آں عربی بچ لایا اور اگر تُساں اُنہاں نی خواہشات نی پیروی کیتی اِس توں بعد کہ تُساں کول حکم آ گیا اے تےتُساں وسطے اللہ نے سامڑیں کوئی نہ حمایتی ہونا اے تے نی مددگار او
سورت الرعد نا رکوع نمبر 5 مکمل

سورت الرعد نا رکوع نمبر 6
پارہ نمبر 13 نا رکوع نمبر 12

38:- اور البتہ اَساں رسول پیجے تُساں توں پہلے اور اَساں دِتیاں اُنہاں بیویاں تے اولاد اور کِسے رسول نے اختیار بچ نی ہویا کہ اللہ نی اجازت توں بغیر کوئی نشانی آنڑے اور ہر وعدے وسطے تحریر اے
39:- اور جو چاہنا اے مٹا چھڑنا اے اور جو چاہنا اے باقی رکھنا اے اُس کول لوح محفوظ اے
40:- اور اگر تُساں کج حصہ اُس عذاب نا دَس چھڑاں جِس نا وعدہ کیتا اے یا تُساں موت دیواں تے اِس نے سوا نی تُساں نے ذمے صرف پہنچانڑاں اور حساب کنڑاں اَساں نا کم اے
41:- کیا او نی دیکھنے کہ اَسیں آ رہنے آں زمی آں کناریاں توں کٹہانے ہوئے اور اللہ حکم دینا اے اور کوئی اُس نے حکم آں پچھے دینڑیں آلہ نی اور او جَلتی حساب کنڑیں آلہ اے
42:- اور جیڑے اُنہاں توں پہلے اے اُنہاں چالاں چَلیاں ساریاں چالاں تے اللہ ہی نیاں نوں اور اللہ جانڑنا اے جو ہر بندہ کمانا اے اور عنقریب کافر جانڑ کنسوں نوں کہ آخرت نا گھر کِس وسطے اے
43:- اور کافر آکھنے نوں کہ تُسیں رسول نی او آکھو تُسیں کہ مینڑیں تے تُساں نے درمیان اللہ گواہ جہان اے اور او جِس کول کتاب نا علم اے
سورت الرعد نا رکوع نمبر 6 مکمل

سورت الرعد مکمل

Share:

Share on facebook
Share on twitter
Share on whatsapp
Share on pinterest
Share on linkedin
Share on email
Share on telegram
Share on skype

Add Comment

Click here to post a comment

This site uses Akismet to reduce spam. Learn how your comment data is processed.

Related Posts

error

Enjoy this blog? Please spread the word :)