سورت الرعد (رکوع نمبر 1 تا 2) – ہندکو ترجمہ

سورت الرعد نا رکوع نمبر 1
پارہ نمبر 13 نا رکوع نمبر 7

1:- ا ل م ر اے کتاب نیاں آیتاں نوں جیڑا اللہ نی طرفوں تُساں دار لتھا اے حق اے پر اکثرلوک ایمان نی آنڑنے
2:- اللہ جِس آسماناں اُچا کیتا کِسے سہارے توں بغیر تُسیں دیکھنے او فر عرش اُتے قرار پکڑیا اور سورج تے چن بنڑایا ہر اک اِکی ٹیمے تے ٹُرنا اے اللہ کمے نی تدبیر کرنا اے اور نشانیاں بیان کرنا اے تاکہ تُسیں اللہ نال ملڑیں نا یقین کرو
3:- اور او ای اے جِس زمی آں پھیلایا اِس بچ پہاڑ بنڑائے اور نہر چلائیاں اور ہرقسم نے پھل پیدا کیتے اور اِس بچ دو دو قسماں نے پھل بنڑائے اور دیاڑی آں راتی بال پلیٹنا اے اور اِس بچ نشانیاں نوں غورو فکر کرنڑیں آلے لوکاں وسطے
4:- اور زمی بچ کول کول قطعات نوں اور باغات انگوراں نے اورکھیتاں اورکجھور اِکی جڑاں توں دو شاخاں آلی اوربغیر دوشاخاں نی حالانکہ اِکی ای پاڑیں نا سیراب کیتی جُلنی اے اور اَسیں فضیلت دینے آں اِنہاں بیچوں اِکی آں دوئے نے ذائقے اُتے اِس بچ نشانیاں نوں اُنہاں لوکاں وسطے جیڑے عقل نال کم کننے نوں
5:- اور اگر تُسیں تعجب کرو تے اُنہاں نا اِک آکھڑاں عجب اے جدوں اَسیں مٹی ہوگئے اَسیں نوئیں سِرے توں نوئیں زندگی پا کِنساں او ای اک نوں جیڑے آپڑیں اللہ نے منکر ہوئے اور او ای جنہاں نیاں گاٹیاں (گردن) بچ طوق ہوسن اور او ای دوزخ آلے نوں اور اِس بچ او ہمیشہ رہسن او
6:- اور او تُساں کولوں رحمت توں پہلیوں جلتی عذاب منگنے نوِں حالانکہ اِس توں پہلے عبرتناک سزاواں گزرچکیا نوں اور بے شک تُساں نا رب اِنہاں نے ظلم نے باوجود لوکاں وسطے مغفرت آلہ اے اوربے شک تُساں نا رب ڈاڈا عذاب دینڑیں آلہ اے
7:- اور کافر آکھنے نوں کہ اِس نے اللہ نی طرفوں اِس اُتے نشانی کیوں نی لتھی اِس تو سوا نی کہ تُسیں ڈراڑیں آلے او اور ہر قوم وسطے ہادی ہویا اے
سورت الرعد نا رکوع نمبر 1 مکمل

سورت الرعد نا رکوع نمبر 2
پارہ نمبر 13 نا رکوع نمبر 8

8:- اللہ جانڑنا اے جو ہرمادہ آپڑیں پیٹے بچ رکھنی اے اور جو رحم بچ سُکنا تے بدنا اے اور اِس نے نیڑے ہر چیز اِکی انداز توں اے
9:- جانڑنے آلہ اے ہر غیب تے ظاہر نا سب توں بڈا اُچا رتبہ اے
10:- اِس وسطے برابر اِے تُساں بیچوں جیڑا آہستہ آکھے اور جیڑا اِساں بُلا کہ آکھے اور جیڑا راتی چھپنا اے اور دیاڑی ٹُرنے پھیرنے آلہ اے
11:- اِس نے پہردے دار نوں اِنساں نے اگے اور اُس نے پچھے اور اللہ نے حکم نال اُس نی حفاظت کرنے نوں بے شک اللہ کِسے قوم نی چنگی حالت نی بدلنا جدوں تک او آپڑیں حالت نہ بدلے اور جدوں اللہ کِسے قوم نال برائی نا ارادہ کرنا اے تے فر او ٹل نی اکنی او اور اُنہاں وسطے اِس توں سوا کوئی مددگار نی
12:- او ای اے جیڑا تُساں بجلی دسنا اے ڈاڑیں وسطے اور امید دلاڑیں وسطے اور چانا اے بوجھل بدل (بادل)
13:- اور گرج اُسنی تعریفاں نال پاکیزگی دَسنی اے اور فرشتے ڈرے نال تسبیح کرنے نوں اور او گرجڑیں آلیاں بجلیاں پیجنا اے اور اُنہاں جِس اُتے چاہوے ٹہانا اے اور کافر اللہ نے بارے بچ کُلنے نوں اور او باٹا پکڑیں آلہ اے
14:- اُساں بُلانڑاں حق اے اور او اِس توں سِوا جِساں بلانے نوں او اُنہاں کج وی جواب نی دینے مگر جینجو آپڑیاں تَلیاں پھیلائے تاکہ پاڑیں منہ تک پہنچ جُلے اور او ہرگز اِس تک پہنچڑیں آلہ نی اور کافراں نا بُلانڑاں گمراہی توں سوا کج نی
15:- اور اَللہ ای آں سجدہ کرنا اے جیڑاآسمان تے زمی بچ اے خوشی نال یا ناخوشی نال اور صبح شامی اُنہاں نے چھوئے وی
16:- آپ صہ پچھو کہ آسماناں تے زمی نا رب کونڑ اے آکھو اللہ اے اور آکھو کہ کیا تُسیں اِس توں سوا بنڑانے او حمیتی جیڑے آپڑیں جانی نا وی نفع نقصان نی رکھنے او آکھو کی کیا برابر ہونا اے اَنا تے دیکھڑیں آلہ اور برابر ہونا اے اُجالا تے نیرا کیا او اللہ وسطے جیڑے شریک کرنے نوں اُنہاں مخلوق پیدا کیتی اے اللہ آلی گل تے پیدائش اُنہاں اُتے متشبہ ہو گئی آکھو کہ اللہ ہر شئیے نا پیدا کرنڑیں آلہ اے اور او یکتا غالب اے
17:- اُس آسمان توں پاڑیں لایا اور ندی نالے آپڑیں انداز بچ بہہ گئے فر چا لایا نالہ ( پھولا ہوا جھاگ) اور جیڑے اگی بچ تَپانے نوں زیور بنڑاڑیں یا اِس نے اسبان بنڑاریں وسطے اِس بچ وی جھاگ میل ہونی اے اِسطرح اللہ حق تے باطل آں بیان کرنا اے سو جھاگ دور ہوجُلنی اے سُک کہ لیکن جیڑا لوکاں نفع دینا اے اور زمی بچ ٹھہریا رہنا اے اِسطرح اللہ مثالاں بیان کرنا اے
18:- جنہاں لوکاں اللہ نا حکم مَن کِدا اُنہاں وسطےچنگیائیاں نوں اور جنہاں اُس نا حکم نی منیا جو کج زمی بچ اے سب اُس نا ہووے اس نال اس جیا ہور وی ہووے او اِساں فدیے بچ چا دیو نوں فر وی بچاؤ نی ہونا اِنہاں لوکاں وسطے مندا حساب اے اور اِنہاں نا ٹھکانہ جہنم اے اور او بہوں مندی جا اے
سورت الرعد نا رکوع نمبر 2 مکمل

Share:

Share on facebook
Share on twitter
Share on whatsapp
Share on pinterest
Share on linkedin
Share on email
Share on telegram
Share on skype

Add Comment

Click here to post a comment

This site uses Akismet to reduce spam. Learn how your comment data is processed.

Related Posts

error

Enjoy this blog? Please spread the word :)