سورت الانفال(رکوع نمبر 5 تا 10) – ہندکو ترجمہ

سورت الانفال نا رکوع نمبر 5
پارہ نمبر 10 نا رکوع نمبر 1

41:- اور سمجھ کنو کہ تُسیں جو کج وی غنیمت کنو اُس نا 5واں حصہ اللہ تے رسول صہ وسطے اے ، اور رشتہ داراں ، یتیماں ، مسکیناں اور مسافراں وسطے اگر تُسیں ایمان رکھنے او اللہ اُتے اور جیڑا اَساں آپڑیاں بندیاں تے بدر بچ فیصلہ کیتا جدوں مسلمان تے کافر کُلے او اور اللہ ہر شئیے تے قادر اے
42:- جدوں تُسیں اِدھر کنارے تے اور او دوئے کنارے تے اے اور قافلہ تَلے اُترائی تے اِیا اگر تُسیں وعدہ کرنے تے وعدہ خلافی ویلے نی پہنچنے پر اللہ جمع کیتا تاکہ او کم پورا کر چھڑے اللہ جیڑا ہوکہ رہسی تاکہ جیڑا ہلاک ہووے او دلیل نال ہلاک ہووے اور جیڑا جینا بچے او وی دلیل نال بچے تے بے شک اللہ سنڑنے آلہ تے جانڑنے آلہ اے
43:- اور جدوں اللہ تُساں نی خواب بچ کافراں تھوڑا دسیا تعداد بچ اگر اللہ زیادے دسنا تے تُسیں بزدلی کرو آ اور جنگ نے معاملے بچ کُلو آ پر اللہ بچا کِدا بے شک او دِلاں نی گل جانڑنے آلہ اے
44:- اور جدوں تُسیں آمڑیں سامڑیں ہوئے او تے تُساں تھوڑے دَسے اور تُساں اُنہاں نیاں اکھیاں بچ وی تھوڑا دَسیا تاکہ او کم پورا کرے جِس ہونڑاں اے اور سارے کمے نی ڈور اللہ کول اے
سورت الانفال نا رکوع نمبر 5 مکمل
سورت الانفال نا رکوع نمبر 6
پارہ نمبر 10 نا رکوع نمبر 2

45:- اے ایمان آلیو جدوں تُساں نا مقابلہ کافراں نال ہووے تے ثابت قدم رہو اور اللہ یاد کرو کثرت نال تاکہ دوآں جہاناں نی کامیابی کنو
46:- اور اطاعت کرو اللہ تے رسول صہ نی اور آپے بچ نہ کُلو کہ بزدل ہو جُلسو اور تُساں نی ہوا وینی رہسی ، صبر کرو بے شک اللہ صابراں نال اے
47:- اُنہاں لوکاں آلی گل نہ ہو جُلے جیڑے آپڑیں گھرے بیچوں نِکلے اترانے اور لوکاں دسڑیں وسطے اور اللہ نی راہ توں ڈکنے ہوئے اور او جو کج کرنے اللہ اُس نا احاطہ کیتا ایا
48:- اور جدوں شیطان اُنہاں نے کم چنگے کرکے دسسی اور آکھے کہ اج لوکاں بیچوں تُساں اُتے کوئی غالب نی آنا اور میں تُساں نا حمیتی آں فر جدوں دوئے لشکر آمڑیں سامڑیں ہووئے تے او پھٹے پیراں تے نَس گئے اور شیطان آکھنا کہ میں تُساں توں لاتعلق آں اور میں دیکھنا واں جو تُسیں نی دیکھنے او اور میں اللہ توں ڈرنا واں کِدرے او ماں (مجھے) مار نہ چھڑے اللہ ڈاڈا عذاب دینڑیں آلہ اے
سورت الانفال نا رکوع نمبر 6 مکمل

سورت الانفال نا رکوع نمبر 7
پارہ نمبر 9 نا رکوع نمبر 3

49:- جدوں منافق تے او لوک جنہاں نے دل بچ مرض ایا آکھنے او کہ مسلماناں اُنہاں نے دین مغرور کر چھڑیا اے اور او اللہ تے بھروسہ کرے اللہ تے غالب اے حکمت آلہ
50:- اور اگر توں دیکھیں جدوں فرشتے کافراں نی جان کڈنے نوں تے اُنہاں نے منہ تے کنڈی تے مارنے نوں اور آکھنے نوں کہ ہنڑ دوزخ نا عذاب چکھو
51:- اے اُس نا بدلہ اے جو کج تُساں اعمال کیتے نوں اور اے کہ اللہ بندیاں تے ظلم کرنڑیں آلہ نی
52:- جینجو کہ فرعون اور اُس توں پہلے آلیاں نا رواج ایا اُنہاں اللہ نیاں آیتاں نی منیا تے اللہ اُنہاں غناواں اُتے پکڑیا اللہ تے بے شک قوت آلہ ڈاڈے عذاب دینڑیں آلہ اے
53:- اے اِس کر کے کہ اللہ کدے اُس نعمتاں نی بدلنا جیڑی اُس کِسے وی قوم آں دتی اے جدوں تک او آپڑیں دِلاں نے حال (عقیدے) نہ بدلن او اور اللہ تے سنڑنے اور جانڑنے آلہ اے
54:- جینجو کہ رواج ایا فرعون اور اُنہاں لوکاں نا جیڑے اُنہاں توں پہلے اے اُنہاں آپڑیں اللہ نیاں آیتاں نی منیا اور اَساں اُنہاں اُنہاں نیاں غناواں نے بدلے ہلاک کر چھڑیا اور فرعون آں غرق کر چھڑیا اور او سارے ظالم اے
55:- بے شک اللہ نے سامنڑیں ساریاں جانوراں توں بدتر او لوک نوں جیڑے کفر کرنے نوں اور ایمان نی آنڑنے
56:- او لوک جنہاں نال تُساں معائدہ کیتا اے اور او معائدہ تروڑ چھڑنے نوں ہر وار اور او نی ڈرنے
57:- فر اگر تُسیں اُنہاں جنگ بچ دیکھو تے اُنہاں اے او جئی سزا دیو کہ اُنہاں نے ذریعے نساؤ اُنہاں جیڑے اُنہاں نے پچھے نوں عجب نی کہ او عبرت پکڑن
58:- اگر تُساں کِسے قوم دغا بازی نا ڈر ہوئے تے اُنہاں نا معائدہ تروڑ چھڑو اُنہاں دار سٹ چھڑو برابری اُتے برابری نال جواب دیو بے شک اللہ دغا بازاں پسندنی کرنا
سورت الانفال نا رکوع نمبر 7 مکمل

سورت الانفال رکوع نمبر 8
پارہ نمبر 9 نا رکوع نمبر 4

59:- کافر ہر گز خیال نہ کرن کہ او نس گئے نوں بے شک کہ او عاجز نی کر اکنے او
60:- او اُنہاں وسطے تیار رکھو جو تُساں کولوں ہو کنے قوت نال ، پلے گھوڑیاں نال اِنہاں اُتے دھاک بہالو اللہ نیا دشمناں تے آپڑیاں دشمنڑاں اُتے اور دوئیاں اُتے اُنہاں تو سوا تُسیں اُنہاں نی سیانڑنے او اللہ اُنہاں سیانڑنا اے اور تُسیں جو وی کج اللہ نی راہ بچ خرچ کرسو تُساں پورا پورا ملسی اور تُساں نا نقصان نی کیتا جُلنا
61:- اگر او صلح دار نیویں ہون او تے تُسیں وی نیویں ہو اور اللہ اُتے بھروسہ رکھو بےشک اللہ سنڑنے آلہ جانڑنے آلہ اے
62:- اور اگر او تُساں دھوکا دینڑاں چاہو نوں تے بےشک کہ اللہ جہان اے تُساں وسطے اور جِس تُساں آپڑیں مدد تے مسلماناں نال زور دتا اے
63:- اور محبت پا چھڑی اُنہاں نیاں دِلاں بچ اور اگر تُسیں جو کج دنیا تے اے سب کج کر چھڑنے او تاں وی محبت نی پا اکنے او پر اللہ اُنہاں بچ محبت پا چھڑی اے اور اللہ غالب حکمت آلہ اے
64:- اے نبی صہ اللہ جہان اے تُساں وسطے اورمومن جیڑے تُساں نے پیروکار نوں
سورت الانفال رکوع نمبر 8 مکمل

سورت الانفال نا رکوع نمبر 9
پارہ نمبر 10 نا رکوع نمبر 5

65:- اے نبی صہ مومناں جہادنی ترغیب دیو اور اگر تُساں بیچوں 20 صبر آلے ہوئے تے او دو سو تے غالب آسن او اور اگر تُساں بیچوں 100 ہوئے تے او 1000 تے غالب آسن او اس کر کے کہ کافر سمجھ نی رکھنے
66:- ہنڑ اللہ تُساں تے چھپا چھڑیا اے اور پتا کر کِدا اے کہ تُساں بچ کمزوری اے پر اگر تُساں بیچوں 100 صبر آلے ہون او تے 200 تے غالب آسن اور 1000 ہون او تے 2000 تے غالب آسن اللہ نے حکمے نال اور بے شک اللہ صبر کرنڑیں آلیاں نال اے
67:- کسے نبی نے لائق نی کہ اُس نے قبضے بچ قیدی ہون او جدوں تک او زمی بچ خونریزی نہ کر کنے تُسیں دنیا نا مال چاہنے او اور اللہ آخرت چاہنا اے اور اللہ غالب حکمت آلہ اے
68:- اگر اللہ نے طرفوں پہلے ای لکھیا نہ ہووے آ تے اِے کنڑیں نے بدلے بچ تُساں بڈا عذاب آوے آ
69:- بس اِس بیچوں کھاؤ جو تُساں غنیمت بچ پاک تے حلال مال ملیا اے اللہ توں ڈرو بے شک اللہ ای بخشڑیں آلہ مہربان اے
سورت الانفال نا رکوع نمبر 9 مکمل

سورت الانفال نا رکوع نمبر 10
پارہ نمبر 10 نا رکوع نمبر 6

70:- اے نبی صہ تُساں نے قبضے بچ جیڑے قیدی نوں اُنہاں آکھو کہ اگر اللہ تُساں نے دِلے بچ کوئی چنگئیائیں دیکھ کدی تے تُساں اںِس توں چنگا ملسی جو تُساں توں کدا گیا اء اور او تُساں بخش چھڑسی اللہ بخشڑیں آلہ مہربان اے
71:- اور اگر آپ صہ نال خیانت نا ارداہ کرسن او اتے اِس توں پہلے اُنہاں تُساں نے قبضے بچ چا دتا اور اللہ جانڑنے آلہ حکمت آلہ اے
72:- بے شک جیڑے لوک ایمان کِن آئے اُنہاں ہجرت کیتی اور آپڑیں مال تے جانی نال اللہ نی راہے بچ جہاد کیتا اور جنہاں لوکاں ٹھکانڑاں دتا اور مدد کیتی اے ای لوک دوئے نے رفیق نوں اور جیڑے لوک ایمان کِن آئے اور اُنہاں ہجرت نی کیتی تُساں کج سروکار کی اُنہاں نی سَنگت نال ایتھے تک کہ او ہجرت کرن اود دین بچ تُساں توں مدد منگن تے تُساں تے مدد لازم اے پر اُس قوم نے خلاف نی جِس نال تُساں نا معائدی یویا ہووے جیڑا تُسیں کرنے او اللہ سارا کج دیکھنا اے
73:- اور جنہاں لوکاں کفر کیتا او اک دوئے نے سنگی نوں اگرتُسیں اینجو نی کرنے او تے فتنہ ہوسی زمی بچ اور بڈا فساد
74:- اور جیرے لوک ایمان کِن آئے اور اور اُنہاں ہجرت کیتی اور جہاد کیتا نے اللہ نے راہے بچ اورجنہاں لوکاں جگہ دتی اور مدد کیتی او ای لوک سچے مومن نوں اور اُنہاں وسطے بخشش تے عزت نی روزی اے
75:- اور جیڑے لوک اِس توں بعد ایمان کن آئے اور اُنہاں ہجرت کیتی اور تُساں نال مل کے جہاد کیتا بس او ای تُساں بیچوں نوں اور رشتے دار آپس بچ اور اک دوئے تے زیادہ حقدار نوں اللہ نے حکمے نال بے شک اللہ ہر شیشتے نا جانڑنے آلہ اے
سورت الانفال نا رکوع نمبر 10 مکمل

سورتا الانفال مکمل

Leave a Reply

This site uses Akismet to reduce spam. Learn how your comment data is processed.

%d bloggers like this: